Почитувани,
Здружението на историчари на Република Македонија во 2023 година се стекна со акредитација за организирање на натпревари по историја за средно образование.
Согласно добиената акредитација, како и согласно Статутот на Здружението на историчари на Република Македонија и Календарот за организирање на натпревари по историја за 2026 година, во следниот период ќе бидат организирани:
- општински натпревари на 14.03.2026 година;
- регионални натпревари на 18.04.2026 година и
- државен натпревар на 23.05.2026 година.
Општинските и регионалните натпревари ќе се одржат онлајн.
За учество на општинскиот натпревар потребно е ученикот да напише есеј на тема по сопствен избор, согласно подолу наведените критериуми и да го достави на посочената електронска адреса.
Критериуми за пишување на есеј:
- да има јасно поделен воведен, главен и завршен дел;
- да биде за личност или настан од историска тематика;
- да биде на теми од македонска национална историја;
- да биде од 500 до 700 зборови;
- да биде напишан во фонт Times New Roman, големина 12, проред 1,15;
- да има најмалку 5 (пет) референци во фуснота (цитирања) од најмалку 2 (две) различни дела од релевантна историска литература, како по следниот редослед: Име Презиме на авторот, Наслов на делото во курзив (италик), Издавач, Место на издавање, Година, стр. XX. (Пример: Наде Проева, Студии за античките Македонци, Macedonia Prima, Охрид, 1997, стр. 44.);
- да бидат испратени најдоцна до 14.03.2026 година на електорнската адреса: istorija.natprevar@gmail.com;
- во горниот лев агол на документот обврзно да стои име и презиме на ученикот, назив на училиштето и име и презиме на менторот;
Учество на натпреварите можат да земат сите ученици од средните училишта во Република Македонија.
Резултатите ќе бидат објавени најдоцна 3 дена по натпреварот.